01
فستان ما رجع
زبونة أخذت الفستان من ثلاث أسابيع، وما حدا تذكّر يتابعها. الدفتر ما بيرنّ، والفستان مش موجود لما تحتاجه.
نظام إدارة تأجير الفساتين
كل فستان محجوز، وبتعرف وين ومتى بيرجع.
حجوزات بالتواريخ، عرابين، تجهيز، إرجاع، وحسابات — كلها بمكان واحد. النظام شغّال اليوم على بوتيك حقيقي فيه أكثر من ١٤٠٠ فستان وبدلة.
أرقام حقيقية من بوتيك شغّال اليوم على محجوز
1,451
فستان وبدلة في الكتالوج
4,298
عميلة مسجّلة
16,289
محادثة عبر إنستغرام وواتساب وماسنجر
4
شركات شحن مربوطة بالنظام
المشكلة
كل بوتيك بيعرف هالأربعة
مش مشاكل برامج — مشاكل شغل يومي، وكل وحدة فيها بتكلّف فلوس.
02
حجز مزدوج
نفس الفستان انحجز لعرسين بنفس الليلة، وما اكتشفتوا إلا يوم الاستلام — قدّام الزبونة.
03
شو كود هالفستان؟
الزبونة بتبعت صورة من إنستغرام، وإنت بتقلّب بألف وأربعمية موديل تدوّر على الرقم.
04
الحسابات ما بتزبط
كليك وفيزا وكاش وعرابين ناقصة، وبآخر الشهر ما في طريقة تعرف مين دفع شو ولا شو وصل عالبنك.
كيف بيشتغل
دورة حياة الطلب — من أول تلفون لآخر دينار
كل خطوة مربوطة باللي قبلها، وما في خطوة بتنسى حالها.
١
حجز
إيجار أو بيع، من المحل أو أونلاين، بتاريخ مناسبة محدّد أو حجز مفتوح.
٢
عربون
النظام بيحسب الحد الأدنى للعربون (٥٠٪) وبيمنع الطلب يمشي بدونه.
٣
تجهيز
لوحة تحضير حسب تاريخ الاستلام، مع طباعة قائمة التجهيز والملاحظات.
٤
تسليم
استلام من المعرض أو توصيل وشحن، مع تتبّع تلقائي من شركة الشحن.
٥
إرجاع
لوحة تتبّع بتحسب أيام التأخير وبتبعت تذكير قبل ما تخسر الفستان.
٦
مطابقة
كل حركة مالية بتتطابق مع كشف البنك، وبتعرف بالضبط شو وصلك.
الميزة الأهم
بتبطّل تخسر فساتين
لوحة تتبّع الإرجاع بتعرض كل قطعة برّا المحل: مين آخذها، إمتى المفروض ترجع، وكم يوم تأخّرت. تبويبات جاهزة للمستحق اليوم، المتأخر، واللي ما ردّ — وبضغطة وحدة بتبعت تذكير أو بتأكّد الإرجاع.
- عدّاد أيام تأخير ظاهر على كل طلب
- تصنيف تلقائي: مستحق اليوم، متأخر، بدون رد، مستحق هالأسبوع
- تذكير للزبونة بضغطة، وتأكيد إرجاع بضغطة
- المبلغ المتبقي والإجمالي جنب كل صف
بحث بالصورة
الزبونة بتبعت صورة، وإنت بترجّعلها الكود
صوّر الفستان أو ارفع الصورة اللي وصلتك على إنستغرام، والنظام بيدوّر بالكتالوج كله وبيرجّعلك الموديل المطابق — مع تصفية اختيارية حسب الفئة. بدل ما تقلّب بألف وأربعمية فستان قدّام الزبونة.
- تصوير مباشر من الجوال أو رفع صورة
- بحث بالتشابه على كل الكتالوج
- تصفية حسب الفئة: سهرة، عرائس، خطوبة، حنّة، شرعي
الكتالوج والمخزون
كتالوج بصري بيقولك وين الخلل
شبكة صور بكل التشكيلة، وفلاتر جاهزة للقطع اللي ناقصها صورة، أو ناقصها سعر، أو ما انطلبت ولا مرّة. لون ومقاس وفئة لكل قطعة، والمخزون وعدد الطلبات ظاهرين على الكرت نفسه.
- فلاتر جودة البيانات: بدون صورة، بدون سعر، لم تُطلب أبداً
- ٣٧ لون و٢٩ مقاس، وشجرة فئات كاملة
- عرض شبكة أو قائمة، وبحث بالكود مباشرة
- التوفّر محسوب حسب التاريخ، مش حسب العدد فقط
صندوق واحد
إنستغرام وواتساب وماسنجر بمكان واحد
معظم حجوزاتك بتيجي من الرسائل، مش من الموقع. محجوز بيجمع القنوات الثلاثة بصندوق واحد مربوط بملف الزبونة وطلباتها، مع توزيع المحادثات على الموظفين وإحصائيات لكل واحد فيهم.
- واتساب وإنستغرام وماسنجر بصندوق واحد
- تصنيفات: بحاجة للرد، محادثاتي، الكل
- لوحة أداء: عدد الردود ومتوسط زمن الاستجابة لكل موظف
- الرسائل مربوطة بملف الزبونة وسجلّ طلباتها
الحسابات
فلوسك بتطابق حالها
ابعت رابط دفع للزبونة وتابع محاولات الدفع وتاريخ التحويل المتوقّع. وبآخر الشهر، ارفع كشف حساب كليك أو كشف تسويات الفيزا — والنظام بيطابق السطور مع حركاتك تلقائياً وبيقلّك كم بالمية طابق وشو ضلّ.
- روابط دفع بحالات: قيد الانتظار، مدفوع، منتهي الصلاحية
- قاعدة العربون ٥٠٪ محسوبة تلقائياً على كل طلب
- استيراد كشوف كليك وتسويات فيزا ومطابقتها سطر بسطر
- تصدير كل الحركات المالية للمحاسب
وباقي النظام
كل اللي بيلزم بوتيك، جاهز
مش إضافات — هاي موجودة وشغّالة من أول يوم.
تقويم الاستلام
كم قطعة وكم دينار كل يوم بالشهر، بنظرة وحدة.
تجهيز الطلبات
لوحة تحضير حسب اليوم والحالة، مع طباعة قائمة التجهيز.
الشحنات
أرامكس وبلينك ولوجستكس، مع تتبّع وآخر حدث تلقائياً.
استلام المرتجعات
جدولة مندوب لاستلام القطع من عنوان الزبونة.
الحجز السريع
ابدأ من تاريخ المناسبة، والنظام بيفحص التوفّر.
الأدوار والصلاحيات
استقبال، مبيعات، محاسبة، إدارة — ١٢٦ صلاحية دقيقة.
الموظفون
رواتب، تاريخ توظيف، وعدد القطع المباعة لكل موظف.
الوظائف والتوظيف
صفحة وظائف عامة وطلبات توظيف بتوصلك بالنظام.
أكواد الخصم
نسبة أو مبلغ، بحد أدنى للطلب وسقف استخدام وتاريخ انتهاء.
تقييمات جوجل
اسحب التقييمات، ردّ عليها، واختار اللي بيظهر عالموقع.
ماسح الباركود
خدمة ويندوز بتربط الماسح للاستلام والإرجاع السريع.
عملات ودول
أسعار بأكثر من عملة، وعملاء من أكثر من دولة.
تطبيق الجوال
المحل معك وين ما كنت
محجوز موجود كتطبيق على تلفونك. بتنزّله مرة وحدة على الشاشة الرئيسية، وبعدها بتفتحه بكبسة زي أي تطبيق. الحجوزات والطلبات والإرجاعات والمحادثات كلها قدّامك، من أي مكان وبأي وقت.
- تابع طلبات اليوم والقطع اللي لسا برّا المحل وإنت خارج الدوام
- ردّ على زبونة من صندوق المحادثات وإنت بالطريق
- نفس البيانات ونفس الصلاحيات، ولكل موظف حسابه
- تحديثات تلقائية، ما بتحتاج تنزّل نسخة جديدة
خدمة إضافية
وبنقدر نركّبلك متجرك الإلكتروني كمان
نفس النظام بيقدر يشغّل متجر إلكتروني لزبوناتك — تصفّح بالفئات، مفضّلة وسلة، حساب للزبونة، وتتبّع طلب، بلغتين وبأكثر من عملة. مش داخل بالباقة الأساسية، بس بنركّبه لك إذا بدك.
- تصفّح وحجز أونلاين مربوط بنفس المخزون
- حساب للزبونة وسجلّ طلباتها وتتبّع الطلب
- دليل مقاسات وسياسة إرجاع ومعلومات شحن
- واجهة بلغتين ومحوّل عملات
خطوة وحدة
خلينا نحكي عن البوتيك الخاص فيك
احكيلي كم قطعة عندك وكيف بتشتغل هلأ، وبرجعلك بعرض سعر وخطة تركيب.
راسلني على واتساببنرد عادةً خلال ساعات.